الرئيسية اخبار منع محامي من دخول قسم شرطة.. “مفيش محامين بعد 12 صباحًا”

منع محامي من دخول قسم شرطة.. “مفيش محامين بعد 12 صباحًا”

433
0
محامي - محامى - المحامي – المحامى

روى المحامي رامي زكريا، تفاصيل تعرضه لمضايقات داخل قسم شرطه بولاق أبو العلا، ومنعه من الدخول لممارسة عمله، بدعوى صدور قرار بعدم دخول المحامين مقر القسم بعد الساعة 12 صباحا.

وقال “زكريا”: “ورد لي اتصال يفيد بالقبض علي شخص، فذهبت لقسم شرطه بولاق أبو العلا الساعه 1.20 صباحا، ونزلت و انا لابس الزي بتاعي قميص و بنطلون و جرافتة، وكنت علي باب القسم بقول السلام عليكم، وكان موجود أمناء شرطة على باب القسم منهم أمين لابس ميري قال ليا رايح فين هي سداح مداح؟!.. رديت انا محامي و داخل القسم أسأل علي واحد متاخد مش عارفين متاخد ليه.. فرد و قال مافيش دخول للمحامين بعد الساعه 12 بليل”.

وأضاف: “قولت ازاي أنا هدخل و مين اللي نزل التعليمات و الكلام ده انا هدخل، وبعد محادثه، وتصميمي للدخول تدخل الأمناء اللي كانوا موجودين معاه و كانوا لابسين ملكي، وطلب أمين الشرطه اللي كان رافض دخولي الكارنيه، وأنا فعلا ملتزم جدا بضبط النفس لأبعد الحدود.. ثم طلعت الكارنيه و قام بتسجيلي في دفتر الدخول، بعد طبعا لما رمى ازازه المياه، وورق و كان قرفان كده وهو بيكتب من كتر القرف القلم كان رافض يكتب، وطلعت القلم اللي كان معايا، ورفض ياخد القلم ثم قال لأمين تاني تعالي سجل في الدفتر و ده حصل بعد ما الأمناء اتكلموا معاه”.

وتابع: “فهل يا معالي النقيب المحامي ممنوع من دخول القسم بعد الساعه 12 بليل؟!، وهذا طبعا مخالف لقانون المحاماه الذي يقر بأن أقسام الشرطه من أعمال المحاماه.. و هل المحامي ملزم بتسجيل في دفتر دخول القسم و هو داخل لأداء عمله؟!”.

التعليقات

من فضلك ادخل تعليقك
من فضلك ادخل اسمك هنا