الرئيسية النقابة “مرتبات متدنية واستغلال”.. محامون ينتقدون أوضاع شباب المهنة

“مرتبات متدنية واستغلال”.. محامون ينتقدون أوضاع شباب المهنة

29
0
محامي - محامى - المحامي – المحامى – محامين – محامية - محاميه

تحدث عدد من المحامين عن أزمة المرتبات المتدنية لشباب المهنة، واصفين ما يحدث بأنه “استغلال” لطموح المحامين حديثي التخرج.

وقال المحامي روماني نعيم: “دلوقتي بنلاقي اعلانات بتنزل محتاجه محامين نتصل ونسالهم التفاصيل يقولو التفاصيل في المقابله طبعا تروح وتصرف مواصلات ووقت وتدخل المقابله اذا كنت محام جدول عام او ابتدائي تلاقيه بيقولك المرتب ١٠٠٠ او ١٢٠٠ واقصيهم ١٥٠٠ لا وايه كمان تشتغل الصبح في المحاكم وبليل في المكتب واجازه الخميس”.

وأضاف: “يا جماعه هو الكلام ده يرضي مين هو ده كده حق اليوم كله بـ١٠٠٠ ده لو هتشتري عبد هتلاقيه اغلي من كده ياجدعان وتقولوه كده يقولك ده انا زمان لما اتشتغلت في المحاماه كنت باخد ٨٠ جنيه في الشهر وكانو ملهومش لازمه”.

وتابع: “حضرتك سكت علي الظلم والباطل ده بتطبقه انت كمان ألف جنيه دي مش تمن ايجار شقه يقولك لا ما هي المحاماه متفتحش بيت في البدايه لازم يجيلك شغل لحسابك طب خلاص حضرتك اديني الـ١٠٠٠ جنيه دول واجي المكتب يوم واحد في الاسبوع اخد الشغل وانا اخلصه ومنها هشوف حاجه جمب المحاماه يبقي ولا خسرت المهنه وفي نفس الوقت شغال شغل تاني يجيبلي دخل .. يا اساتذه كده لان نحترم بعضينا ونقدر بعضينا علشان غيرنا يحترمنا ويقدرنا”.

ومن جانبه قال المحامي محمد حسن: كلنا اتدربنا كدة و اتعلمنا المهنة و بعدها اشتغلنا شغلنا الخاص.. الأساتذة أصحاب المكاتب من وجهة نظرهم ان اغلب الشباب الجدد لا يصلحوا للمهنة لأنهم لا يتحملوا المسؤولية و لا يمكن الاعتماد عليهم و عاوزين فلوس بدون شغل و لا تعب، ودي وجهة نظر موجودة”.

وعلق حسين وصفي قائلا: “الأساتذة المحترمين أصحاب المكاتب اللي شايف انها فتره تدريب وهو كده فعلا الـ١٠٠٠ جنيه حق لا يوفرهم وينزل يشتغل بنفسه ويخلص شغله لنفسه والله الغني عن التدريب بتاعكم”.

التعليقات

من فضلك ادخل تعليقك
من فضلك ادخل اسمك هنا