الرئيسية منوعات قصيدة ريان.. بقلم المحامي/ ياسر شوقي

قصيدة ريان.. بقلم المحامي/ ياسر شوقي

30
0

انا معترض
ايوه بقولها
واللي مش عاجبه يغور
م انا مش شمال
ولا واد هفيه
ولا كلب اجرب مليان كسور
انا طفل زيه
مليان وجع
شبعان ألم
بس انتو أحول م الحول
مبتشوفوش
ورغم صوتي اللى اتنبح
مبتسمعوش
البرد بلط جتتي
والطلق خرم هدمتي
والمشى دوب جزمتي
وانتو عن خيال مآته
متفرقوش
الواد ف حفره وقع
عيني عليك يا جدع
قلبى انخلع
وانا طريقي مليان حفر
والشق في كفي اتحفر
وانا صرتي لزقت ف ضهرى
من كتر جوعى
من غربتي
من مصى للطوب والزلط
من قهرتي على عفتى
وعقد فرحى اللى انفرط
رجمكم اصبح حلال
وشتمكم مش غلط
ميزانكو اعوج م العوج
واللي يصاحبكوا لازم يتعوج
انا مش هطاطي
ولا زيكم هافضل ازمر
لاني مش عيل صغير
انا ابن سوريا
انا ابن غزه
انا طفل لازم ينتصر
علي ذل ف قلوبكو انتشر
انا طفل رافض جبنكم
رابط علي قلبي حجر
ناقش علي جبيني شعار
ربي اكبر م البشر

التعليقات

من فضلك ادخل تعليقك
من فضلك ادخل اسمك هنا